.Naging usap usapin sa Twitter ang grupong Ezra Banda noong nakaraang Sabado kaya naman hindi na nakakagulat na sila ang nanguna sa text at online votes noong Linggo at pumasok sa grand finals ng pinakamalaking talent-reality show sa bansa na “Pilipinas Got Talent.”
Kasabay ng pagpasok ng Ezra Band ang pagpasok din ng pinakaunang babaeng finalist sa kumpetisyon sa katauhan ng kanilang bokalistang si Kaye.
Talaga namang dumagundong sa hiyawan ang AFP Theater noong Sabado ng gabi sa pag-awit ng grupo ng “Right Here Waiting.”
Manghang mangha rin ang audience sa nakakabilib na pagtugtog ng piano ng miyembrong si Nor kahit na siya ay may kapansanan.
